Sölvabakki - dagbók

Heimasætan og húsmóðirin fóru saman í fjárhúsin í morgun. Reyndar átti heimasætan að sofa á meðan húsmóðirin gæfi, en hún taldi vera kominn tími til að hún færi nú að vinna fyrir þessum kindum sínum og brá því blundi með fyrra fallinu. Þar sem hún er nú ekki farin að hlaupa um ennþá og eiginlega ótækt að láta hana skríða fram á garðana með hneppin, brugðum við á önnur ráð sem sjá má á myndunum...

p.s. Lóan er komin svo það er vor í lofti á bakkanum....